Գործարկվել է ՀՀ արդարադատության նախարարության նոր պաշտոնական կայքը
Գործարկվել է ՀՀ արդարադատության նախարարության նոր պաշտոնական կայքը՝ moj.gov.am: Այս մասին տեղեկացնում են ՀՀ արդարադատության նախարարությունից:
Նոր կայքը մշակվել և գործարկվել է՝ համապատասխանեցվելով «Հենակետ» ՀՀ պետական ծառայությունների պաշտոնական դիզայն համակարգին, ապահովելով ժամանակակից, միասնական և օգտատերերին հարմար միջավայր։
Կայքի գործարկումը հնարավոր է դարձել Հայաստանի տեղեկատվական համակարգերի գործակալության հետ արդյունավետ համագործակցության շնորհիվ։
