Արաղչին կգլխավորի իրանական պատվիրակությունը Մասկատի բանակցություններում
Իրանի արտաքին գործերի նախարար Սեյեդ Աբբաս Արաղչին Մասկատում կայանալիք բանակցություններից առաջ հայտարարություն է արել՝ ընդգծելով իր երկրի դիվանագիտական հանձնառությունը։
«Իրանը դիվանագիտական բանակցություններին մոտենում է բաց աչքերով և անցյալ տարվա իրադարձությունների ամուր հիշողությամբ։ Մենք գործում ենք բարեխղճորեն և հաստատակամորեն պաշտպանում ենք մեր իրավունքները։ Պարտավորությունները պետք է կատարվեն։ Հավասար իրավունքները, փոխադարձ հարգանքն ու փոխադարձ շահերը հռետորաբանություն չեն, այլ անհրաժեշտություն և կայուն համաձայնության հիմք»,- գրել է նախարարը սոցիալական ցանցերում։
Ավելի վաղ հայտնի էր դարձել, որ Իրանի արտաքին գործերի նախարարը կգլխավորի իրանական պատվիրակությունը Օմանի մայրաքաղաքում կայանալիք բանակցություններում։
