Քննարկվել են կանաչ ջրածնի զարգացման միտումները նորագույն տեխնոլոգիաների կիրառության համատեքստում
ՀՀ էկոնոմիկայի նախարարի տեղակալ Լիլյա Սիրականյանը դեկտեմբերի 1-3-ը Օմանի Սուլթանության մայրաքաղաք Մասկատում մասնակցել է Կանաչ ջրածնի գագաթնաժողովին (Green Hydrogen Summit Oman 2025)։ Այդ մասին հայտնում են էկոնոմիկայի նախարարությունից:
Միջոցառումը միտված էր միավորելու հանրային և մասնավոր հատվածի ներկայացուցիչներին, կանաչ ջրածնի ոլորտի փորձագետներին՝ քննարկելու կանաչ ջրածնի զարգացման միտումները նորագույն տեխնոլոգիաների կիրառության համատեքստում:
Այցի շրջանակում Լիլյա Սիրականյանը հանդիպել է Օմանի Սուլթանության էներգետիկայի և հանքարդյունաբերության նախարարի տեղակալ Մոհսին Համեդ ալ Հադրամիի հետ։ Հանդիպմանը ներկա է եղել նաև Օմանում Հայաստանի Հանրապետության արտակարգ և լիազոր դեսպան Հրաչյա Փոլադյանը։
Հանդիպման ընթացքում կողմերն անդրադարձել են կանաչ ջրածնի արտադրության հարցերին և նախանշել համագործակցության հնարավոր հեռանկարները։
Օմանում Լիլյա Սիրականյանը հանդիպումներ է ունեցել նաև կանաչ ջրածնի ոլորտի առաջատար ընկերությունների ներկայացուցիչների և փորձագետների հետ։
Բաժիններ
Դիտումներ51
