Ամերիկացի գործարար Իլոն Մասկը կանխատեսել է սմարթֆոնների դարաշրջանի ավարտը մինչև 2030 թվականը՝ արհեստական բանականության գերակայության պատճառով: Նրա խոսքով՝ ավանդական սարքերը կփոխարինվեն արհեստական բանականության վրա հիմնված լուծումներով:
Մասկը պնդել է, որ ապագայում կանհետանան օպերացիոն համակարգերն ու հավելվածները, դրանք կփոխարինվեն հիմնականում արհեստական բանականությամբ աշխատող էկրանով ու ձայնային սարքերով:
Մասկը նախկինում բազմաթիվ հայտարարություններ է արել մարդկային կյանքում արհեստական բանականության գերիշխանության մասին: Նա պնդել է, որ ապագայում աշխատավայրերում մարդկանց կփոխարինեն ռոբոտներն ու արհեստական բանականությունը:
