Այս գիշեր ուժգին բախումներ, հրաձգություն և ռմբակոծություն է տեղի ունեցել Հալեպի Շեյխ Մաքսուդ և Աշրաֆիե շրջաններում: Ինչպես հայտնել է «Լուրերի» թղթակից Զարմիկ Պողիկյանը, բախումները ծայր են առել Սիրիայի ժողովրդավարական ուժերի՝ Քասատի և կառավարական բանակի ստորաբաժանումների միջև:
Երկրի պաշտպանության նախարարությունը շեշտել է, որ Սիրիան շարունակում է հավատարիմ մնալ մարտի 10-ի համաձայնագրին և չունի հարձակողական գործողություններ սկսելու ծրագրեր՝ հավելելով, որ բանակի ներկայիս խնդիրն է պաշտպանել քաղաքացիական բնակչությանը և անվտանգության ուժերին Սիրիայի ժողովրդավարական ուժերի շարունակական հարձակումներից։
