Քննարկվել են ավելի լայն համագործակցության հնարավորությունները. ԱԳՆ գլխավոր քարտուղարը հանդիպել է Վարշավայի անվտանգության համաժողովի ղեկավարի հետ
Սեպտեմբերի 1-ին «Բլեդ ռազմավարական համաժողովի» շրջանակներում ՀՀ ԱԳՆ գլխավոր քարտուղար Դավիթ Կարապետյանը հանդիպում է ունեցել Վարշավայի անվտանգության համաժողովի ղեկավար Կատարժինա Պիսարսկայի հետ:
Այս մասին տեղեկացրել է ԱԳ նախարարությունը:
Կողմերը մտքեր են փոխանակել «Երևանյան երկխոսություն» և «Վարշավայի անվտանգության ֆորում» ամենամյա համաժողովների միջև համագործակցության խորացման ուղղությամբ:
Քննարկվել են Հայաստանի և Լեհաստանի, ինչպես նաև Արևելյան Եվրոպայի այլ երկրների փորձագիտական համայնքների միջև ավելի լայն համագործակցության շրջանակ ստեղծելու հնարավորությունները և համատեղ մի շարք միջոցառումներ իրականացնելու հեռանկարները:
