Բերդկունք և Հայրավանք գյուղերի երեխաների համար նախատեսված մանկապարտեզի շինարարությունը մոտենում է ավարտին Գեղարքունիքի մարզպետ Կարեն Սարգսյանը Գավառ համայնքի ղեկավար Գուրգեն Մարտիրոսյանի հետ այցելեց Բերդկունք գյուղ՝ մշտադիտարկելու կառուցման փուլում գտնվող մանկապարտեզի աշխատանքները։ Այս մասին տեղեկացնում են Գեղարքունիքի մարզպետի աշխատակազմից։
Մանկապարտեզը թեև կառուցվում է Բերդկունք գյուղում, սակայն այստեղ կհաճախեն նաև հարևանությամբ գտնվող Հայրավանք գյուղի նախադպրոցական տարիքի երեխաները։
Ծրագրի պայմանագրային արժեքը՝ 451,7 միլիոն ՀՀ դրամ, որից 75%-ը ֆինանսավորում է ՀՀ կառավարությունը, իսկ 25%-ը՝ Գավառի համայնքապետարանը։
Շենքը լինելու է երկհարկանի՝ նկուղային հարկով, 1100 քմ մակերեսով։ Մանկապարտեզը նախատեսված է 90 սանի համար՝ 3 խմբով։ Շինարարությունը մեկնարկել է 2023 թվականի ապրիլին։ Այս պահի դրությամբ աշխատանքներն իրականացված են 86 տոկոսով։ Ավարտը նախատեսվում է նոյեմբերի 15-ին։
Մարզպետը կարևորել է աշխատանքների որակն ու ժամկետների պահպանումը՝ շեշտելով, որ այս կառույցը մեծապես կնպաստի երկու գյուղերի երեխաների կրթության և զարգացման հնարավորությունների ընդլայնմանը։
.jpg)
.jpg)
.jpg)
.jpg)
