«ԱՄՆ-Մեքսիկա սահմանի երկայնքով ամբողջ պատը սև է ներկվելու՝ անօրինական ներգաղթը կանխելու համար»,- ասել է ԱՄՆ ներքին անվտանգության նախարար Քրիստի Նոեմը օգոստոսի 19-ին Նյու Մեքսիկոյում պատի մի հատված այցելելու ժամանակ, հաղորդում է CBS News-ը։
Նոեմը պարզաբանել է, որ այն ներկելու որոշումը կայացրել է ԱՄՆ նախագահ Դոնալդ Թրամփը: «Նա հասկանում է, որ շոգ պայմաններում, երբ ինչ-որ բան ներկված է սև գույնով, այն ավելի շատ է տաքանում, և մարդկանց համար պատի վրայով բարձրանալն ավելի դժվար կլինի»։ Նախարարի խոսքով՝ մետաղի վրա սև ներկը սահմանի մյուս կողմում գտնվող մարդկանց կխանգարի անօրինական մուտք գործել Միացյալ Նահանգներ։
Թրամփի վարչակազմը պնդում է, որ պատի շինարարությունը ավարտվի: Լրատվամիջոցի տվյալներով՝ հունիսին ԱՄՆ հարավային սահմանին ձերբակալվել է ավելի քան 6 հազար մարդ, ինչը վերջին տասնամյակների ընթացքում ամենացածր ցուցանիշն է։
Մեքսիկայի հետ սահմանին պատի կառուցումը Թրամփի ներգաղթի քաղաքականության հիմնական ուղղությունն էր նրա առաջին նախագահական պաշտոնավարման ժամանակ: Երկրորդ ժամկետի ընթացքում նախագահն ավելի շատ կենտրոնացել է միգրանտների արտաքսման ծրագրերի վրա, դրա համար ներքին անվտանգության նախարարությունը կստանա գրեթե 46 մլրդ դոլար:
