Իրանի արտաքին գործերի նախարարը Թեհրանում ընդունել է Ռուսաստանի արտգործնախարարի հատուկ ներկայացուցիչ Իգոր Խովաևին: Քննարկման առանցքում են եղել Հարավային Կովկասում վերջին զարգացումները:
Աբբաս Արաղչին վերահաստատել է Իսլամական Հանրապետության աջակցությունը Հայաստանի և Ադրբեջանի միջև խաղաղության հաստատմանը, ինչպես նաև շեշտել տարածաշրջանում առկա խնդիրների լուծման համար «3+3» մեխանիզմն օգտագործելու կարևորությունը: Նա նշել է տարածաշրջանում ցանկացած համաձայնագրում հարևան երկրների անվտանգությանը վերաբերող նկատառումները հաշվի առնելու անհրաժեշտությունը:
Խովաևն էլ ներկայացրել է Ռուսաստանի դիվանագիտական ջանքերը Կովկասյան տարածաշրջանում խաղաղություն հաստատելու ուղղությամբ և շեշտել Թեհրանի և Մոսկվայի միջև սերտ փոխգործակցության և համակարգման կարևորությունը:
