Գրեթե 40 տարվա զինված հակամարտությունից հետո ԱՄՆ միջնորդությամբ Ադրբեջանի և Հայաստանի միջև կնքված խաղաղության մասին համաձայնությունը պատմական շրջադարձային պահ է և հույսի նշան՝ հայտարարել է Իտալիայի փոխվարչապետ Մատեո Սալվինին:
«Երբ դիվանագիտությունը փոխարինում է զենքին, դա միշտ հիանալի նորություն է։ Թող այս քայլը նաև լավ նախանշան լինի աշխարհի այլ պատերազմական գոտիների համար, հատկապես օգոստոսի 15-ին Ալյասկայում Թրամփի և Պուտինի միջև կայանալիք հանդիպման նախօրեին։ Այսօր, ավելի քան երբևէ, բոլորի հանձնառությունը պետք է լինի մեկ ուղղությամբ՝ խաղաղություն»,- Facebook-ի իր էջում գրել է պաշտոնյան:
