Բարեգործական հիմնադրամի հանրային սննդի կետի արտադրական գործունեությունը կասեցվել է
«Հանս Քրիստիան Կոֆոեդ» բարեգործական հիմնադրամին (ք․ Երևան, Վարդաշեն փ․) պատկանող հանրային սննդի կետում իրականացրած ստուգման արդյունքում արագ արձագանքման բաժնի տեսուչները արձանագրել են սանիտարահիգիենիկ բնույթի խախտումներ։ Այս մասին տեղեկացնում է ՍԱՏՄ-ն:
Մասնավորապես՝
- սննդի կետի պատերի, առաստաղների, դռների, պատուհանների և հատակի մակերևույթները պատրաստված չեն եղել անջրանցիկ, լվացվող, ախտահանվող, ոչ թունավոր նյութերից.
- սննդամթերք պարունակող տարածքների աշխատանքային մակերևույթները և սարքավորումները չեն գտնվել նորոգ վիճակում.
- ձեռքերի և հումքի լվացման լվացարանները տեղակայված չեն եղել առանձին.
- սննդի կառույցն ապահոված չի եղել անձնակազմի համար հանդերձարանով։
Հանրային սննդի կետի արտադրական գործունեությունը կասեցվել է։
Սահմանվել է խախտումների վերացման համար վերջնաժամկետ։
