Իրանի խորհրդարանը քվեարկել է ամերիկացի միլիարդատեր Իլոն Մասկին պատկանող SpaceX ընկերության Starlink արբանյակային ինտերնետ ծառայության օգտագործումը պաշտոնապես արգելելու օգտին: Այդ մասին հունիսի 30-ին հայտնել է Isna գործակալությունը:
Հրապարակման համաձայն՝ պատիժ կկիրառվի Starlink սարքավորումների, ինչպես նաև ինտերնետ մուտք գործելու և կապի այլ միջոցների օգտագործման, գնման, վաճառքի, ներմուծման, բաշխման և արտադրության համար, որոնք չեն անցել ներքին հավաստագրում:
Ինչպես նշում է DPA-ն, պատիժը կներառի տուգանք, մտրակի հարվածներ, նույնիսկ մինչև երկու տարվա ազատազրկում:
Ավելի վաղ՝ հունիսի 21-ին, ԱՄՆ նախագահ Դոնալդ Թրամփի հատուկ հանձնարարությունների գծով հատուկ ներկայացուցիչ Ռիչարդ Գրենելը խնդրել էր Մասկին մի քանի շաբաթով իրանցիներին հասանելիություն տրամադրել Starlink արբանյակային կապի համակարգին: Նրա խոսքով՝ Իրանում իր ընկերները չունեն տեղեկատվության մշտական հասանելիություն, ուստի նա պատրաստ է ֆինանսապես աջակցել Starlink-ի միացմանը:
