Ստուգայցեր Երևանի գիշերային և հեստապարային ակումբներում. հայտնաբերվել են խախտումներ
Երևանի քաղաքապետարանի աշխատակազմի հասարակական կարգի պահպանության ծառայությունը ՀՀ ներքին գործերի նախարարության, Ոստիկանության քրեական ոստիկանության գլխավոր վարչության աշխատակիցների հետ համատեղ գիշերային ստուգայցեր է իրականացրել Երևանի սահմանափակման ենթակա օբյեկտներում, մասնավորապես գիշերային և հեստապարային ակումբներում: Այս մասին տեղեկացնում են Երևանի քաղաքապետարանից:
«Ստուգայցերի ընթացքում հայտնաբերվել են խախտումներ. զանցանք թույլ տված տնտեսվարող սուբյեկտների նկատմամբ կազմվել են 2 արձանագրություն և մեկ վարչական վարույթ:
Միաժամանակ ծառայության աշխատակիցների հորդորով սուբյեկտների կողմից
ապամոնտաժվել են առանց համապատասխան թույլտվության տեղադրված գովազդային
վահանակները»,- ասված է հաղորդագրության մեջ։
