«Օտարերկրյա ազդեցության թափանցիկության մասին» օրինագիծը վերջին ընթերցմամբ կընդունվի. Կոբախիձե
Վրաստանի խորհրդարանը մայիսի 14-ին լիագումար նիստում երրորդ և վերջին ընթերցմամբ կընդունի «Օտարերկրյա ազդեցության թափանցիկության մասին» օրինագիծը՝ լրագրողների հետ մամուլի ասուլիսում հայտարարել է վարչապետ Իրակլի Կոբախիձեն։
«Վրաստանի խորհրդարանը կգործի Վրաստանի բնակչության մեծամասնության ռացիոնալ կամքին համապատասխան և երրորդ ընթերցմամբ կընդունի նախագիծը, որը վճռորոշ դեր կխաղա դրսից պարտադրված բևեռացման դադարեցման գործում»,- ասել է Կոբախիձեն։
Վրաստանի խորհրդարանն առաջին և երկրորդ ընթերցմամբ ընդունել է «Օտար պետությունների ազդեցության թափանցիկության մասին օրենքը։ Այս ֆոնին Թբիլիսիում ցույցերը չեն դադարում: Ընդդիմությունը հայտարարել է, որ այսօր օրինագծի ընդունման դեպքում բողոքի ակցիաներն ավելի մեծ թափ են ստանալու:
Մանրամասները՝ տեսաշարում:
