Իսրայելը Եվրամիությանը կոչ է արել ճնշում գործադրել ՀԱՄԱՍ-ի վրա
Իսրայելը արձագանքել է Գազայի հատվածում գործողությունների վերաբերյալ ԵՄ դիվանագիտության ղեկավար Կայա Կալասի հայտարարությանը, ըստ որի ԵՄ-ն մտադիր է վերանայել Իսրայելի հետ առևտրային կապերը։
Իսրայելի արտաքին գործերի նախարարությունը կոչ է արել Եվրամիությանը ճնշում գործադրել ՀԱՄԱՍ շարժման վրա։ «Այս պատերազմն Իսրայելին պարտադրվել է ՀԱՄԱՍ-ի կողմից, և ՀԱՄԱՍ-ն է պատասխանատու դրա շարունակության համար։ Իսրայելը բազմիցս համաձայնել է հրադադարի և պատանդների ազատ արձակման ամերիկյան առաջարկներին։ ՀԱՄԱՍ-ը մերժել է բոլոր առաջարկները»,- նշված է արտգործնախարարության հայտարարության մեջ: Գերատեսչությունը նշել է, որ իրողություններն անտեսելը և Իսրայելին քննադատելը միայն ամրացնում են ՀԱՄԱՍ-ի դիրքերը և նպաստում է պատերազմի երկարաձգմանը:
Միջազգային անցուդարձը՝ տեսաշարում:
