Գերմանիայի ԱԳՆ-ն ամփոփել է ԱԳ նախարար Աննալենա Բերբոքի և Ադրբեջանի նախագահ Իլհամ Ալիևի՝ երեկ Բեռլինում կայացած հանդիպումը:
Ալիևը Գերմանիայում էր՝ մասնակցելու Պետերբերգի 15-րդ կլիմայական երկխոսության բարձր մակարդակի հանդիպմանը, նրան նաև ընդունել էր կանցլեր Օլաֆ Շոլցը:
Ըստ ԱԳՆ հաղորդագրության՝ նոյեմբերին Ադրբեջանում կայանալիք ՄԱԿ-ի Կլիմայի փոփոխության մասին շրջանակային կոնվենցիայի Մասնակիցների կոնֆերանսի 29-րդ նստաշրջանը նոր հնարավորությունների դուռ է բացում ամբողջ Հարավային Կովկասի և տարածաշրջանի ապագայի համար:
«Այդ հարցում էական դեր է խաղում Հայաստանի և Ադրբեջանի միջև հնարավոր խաղաղության պայմանագիրը։ Աննալենա Բերբոքն Իլհամ Ալիևի հետ կրկին քննարկել է այդ ճանապարհին ձեռնարկվելիք կոնկրետ քայլերի մասին»,- ասված է դիվանագիտական գերատեսչության հաղորդագրության մեջ:
#COP29 in Baku is also an opportunity to work for a brighter future in the Southern Caucasus. A peace treaty between #Armenia & #Azerbaijan is key. On the sidelines of #Petersberg2024, @ABaerbock spoke again with President Aliyev @presidentaz about concrete steps forward. pic.twitter.com/aZTARqlF2v
— GermanForeignOffice (@GermanyDiplo) April 26, 2024
