Հայաստան ներթափանցած հզոր ցիկլոնները և օդային սառը հոսանքները հանրապետության ողջ տարածքում ստեղծել են վտանգավոր իրավիճակ հատկապես բարձրադիր վայրերում: Ինտենսիվ տեղումները կշարունակվեն ևս մի քանի օր: Այդ մասին տեղեկացնում են ՆԳՆ փրկարար ծառայությունից:
Լեռնային գոտիներում սպասվում են ձյուն, բուք, մառախուղ, մերկասառույց:
ՆԳՆ ստորաբաժանումները, հատկապես պարեկներն ու փրկարարները, բնական ու տեխնածին հնարավոր վտանգների պայմաններում իրականացնում են ուժեղացված ծառայություն` ձեռնարկում կանխարգելիչ միջոցառումներ, անհրաժեշտության դեպքում` մեկնում օգնության:
Վիճակը հատկապես վտանգավոր է հանրապետության ավտոճանապարհներին: Ուստի փրկարար ծառայությունը հորդորում է վարորդներին` հատկապես լեռնային ու նախալեռնային շրջաններում ճանապարհ դուրս գալ միայն ծայրահեղ անհրաժեշտության դեպքում և երթևեկել բացառապես ձմեռային անվադողերով:
