ՎՎարդուհի Հարությունյան

Օրբանը դեմ է ՆԱՏՕ-ին միանալու Ուկրաինայի մտադրությանը և Կիևին ԵՄ բյուջեից հատկացումներին

Օրբանը դեմ է ՆԱՏՕ-ին միանալու Ուկրաինայի մտադրությանը և Կիևին ԵՄ բյուջեից հատկացումներին

Հունգարիան դեմ է ՆԱՏՕ-ին միանալու Ուկրաինայի մտադրությանը, քանի որ դա կարող է դաշինքի երկրներին ներքաշել ռազմական հակամարտության մեջ: Այդ մասին հայտարարել է Վիկտոր Օրբանը տարեվերջյան մամուլի ասուլիսում։

«Ուկրաինայի անդամակցությունը ՆԱՏՕ-ին նշանակում է, որ մենք պարտավոր կլինեինք այնտեղ զորք մտցնել արդեն հաջորդ առավոտ։ Մենք դա չենք ուզում»,- հայտարարել է Հունգարիայի կառավարության ղեկավարը։

Նրա խոսքով՝ Հունգարիայի շահերին չի համապատասխանում մեկ այլ պետության հետ ռազմական հակամարտության մեջ գտնվող երկրի հետ դաշինքը։

Օրբանը Եվրամիությանն էլ առաջարկել է հինգ տարվա ընթացքում ձեռնպահ մնալ Ուկրաինային համայնքի բյուջեից ֆինանսական օգնություն տրամադրելուց: Նրա խոսքով՝ հունվարի վերջին կամ փետրվարի սկզբին ԵՄ արտահերթ գագաթնաժողովում կրկին կքննարկվի ԵՄ 2024-2027 թվականների բյուջեում փոփոխություններ կատարելու հարցը, որը նախատեսում է Ուկրաինային 50 մլրդ եվրո հատկացնել:

«Այդ գումարները հիմա չկան»,- ասել է Օրբանը, հավելել՝ Բուդապեշտ չի ցանկանում այլ երկրների հետ մեկտեղ պարտապան դառնալ:

Դիտումներ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում