Սամվել Բաբայանին պետնախարար նշանակելու հանրագրին Արցախի իշխանությունը կպատասխանի 10-օրյա ժամկետում

ՆՆարեկ Սահակյան

Պաշտպանություն՝ պրոֆեսիոնալ բանակով, զարկ ծնելիությանը և սոցիալ-տնտեսական խնդիրների լուծում. Արցախի անվտանգության խորհրդի նախկին քարտուղար, «Միասնական հայրենիք» կուսակցության նախագահ Սամվել Բաբայանը Ստեփանակերտի Վերածննդի հրապարակում հնչեցրեց այն քայլերը, որոնք մտադիր է կյանքի կոչել, եթե նշանակվի պետնախարար: Բաբայանը հայտարարեց, որ մտահոգված է Արցախում և նրա շուրջ ստեղծված ռազմաքաղաքական, սոցիալ-տնտեսական, բարոյահոգեբանական իրավիճակով, համաձայն չէ իշխանությունների՝ Արցախի մարտահրավերներին և սպառնալիքներին անհամարժեք գործողությունների հետ:

Սամվել Բաբայան («Միասնական հայրենիք» կուսակցության նախագահ) - Այն բոլոր հարցերը, այն բոլոր խնդիրները, որ ես ձևակերպել եմ` 5 կետից բաղկացած, ինչպես ասել եմ, 100 օրվա մեջ պետք է կատարենք: Եթե մեզ տան այդ հնարավորությունը, և եթե մենք պահանջենք, և այդ հնարավորությունը մենք ստանանք, մենք պետք է դա 100 օրում կատարենք:

Հանրահավաքի մասնակիցները հանրագիր ներկայացրեցին, որում ձևակերպված է Սամվել Բաբայանին Արցախի պետնախարար նշանակելու իրենց պահանջը: Այն ստացավ հրապարակ հրավիրված Արցախի խորհրդարանի ղեկավարը:

Արթուր Թովմասյան (Արցախի ԱԺ նախագահ) - Ձեր պահանջը անպայման ես ներկայացնում եմ երկրի նախագահին, և սկսում ենք քաղաքացիական կոնսուլտացիաները քաղաքական ուժերի ղեկավարների հետ: Արցախը եղել է, կա ու լինելու է:

Սամվել Բաբայանն ու իր թիմակիցներն Արցախի իշխանություններից պահանջեցին հանրագրին արձագանքել 2 ժամվա ընթացքում, հակառակ դեպքում կդիմեն վճռական քայլերի: Արցախի նախագահ Արայիկ Հարությունյանը հրապարակի իրադարձություններին արձագանքեց ֆեյսբուքյան գրառմամբ: Նշեց, որ հանրագիրը ստացել է:

Արայիկ Հարությունյան (Արցախի նախագահ) - Ելնելով Արցախի Հանրապետության Սահմանադրությամբ իմ ստանձնած պարտավորություններից ու լիազորություններից, հավաքին մասնակցած մեր քաղաքացիների նկատմամբ հարգանքից, հաշվի առնելով լսված լինելու նրանց իրավունքը՝ որոշել եմ ընդառաջ քայլ կատարել: Ուստի, հավաքի ներկայացուցիչներին առաջարկել եմ վաղվանից սկսել քննարկումներ ու խորհրդակցություններ նրանց կողմից ներկայացված առաջարկների ու ծրագրերի շուրջ:

Ինչպես նախկինում, այնպես էլ հիմա պատրաստ եմ օգտագործել յուրաքանչյուրի գիտելիքները և փորձը՝ ի նպաստ մեր երկրի անվտանգության, խաղաղության և մեր ժողովրդի բարօրության:

Միաժամանակ ընդգծում եմ, որ հատկապես այս ճգնաժամային պայմաններում մենք պարտավոր ենք ցուցաբերել զսպվածություն, խոհեմություն և պատասխանատվություն՝ առաջնորդվելով բացառապես Արցախի Հանրապետության ու մեր ժողովրդի շահերով:

Արցախի իշխանությունները հանրահավաքի մասնակիցներին տեղեկացրեցին, որ հանրագրին կպատասխանեն տասնօրյա ժամկետում:

Կապահովվի Ղարաբաղից տեղահանված անձանց և անհետ կորած զինծառայողների ընտանիքներին սոցիալական աջակցությունների շարունակականությունը

Կապահովվի Ղարաբաղից տեղահանված անձանց և անհետ կորած զինծառայողների ընտանիքներին սոցիալական աջակցությունների շարունակականությունը

Երկարաձգվել են Ղարաբաղից տեղահանված անձանց սոցիալական աջակցության երկու ծրագրերի ժամկետները

Երկարաձգվել են Ղարաբաղից տեղահանված անձանց սոցիալական աջակցության երկու ծրագրերի ժամկետները

Անապահով ընտանիքների աշխատունակ անձանց, զորացրված զինծառայողների և Ղարաբաղից տեղահանված անձանց զբաղվածության ծրագրերը կմիավորվեն 1 ծրագրի մեջ

Անապահով ընտանիքների աշխատունակ անձանց, զորացրված զինծառայողների և Ղարաբաղից տեղահանված անձանց զբաղվածության ծրագրերը կմիավորվեն 1 ծրագրի մեջ

ԼՂ-ից տեղահանվածներն ամենաշատը Կոտայքի մարզում են իրացրել սերտիֆիկատները

ԼՂ-ից տեղահանվածներն ամենաշատը Կոտայքի մարզում են իրացրել սերտիֆիկատները

«070» կոդով հին նմուշի անձնագրերի տպագրությունն ու տրամադրումը նոյեմբերի 1-ից չեն դադարեցվում

«070» կոդով հին նմուշի անձնագրերի տպագրությունն ու տրամադրումը նոյեմբերի 1-ից չեն դադարեցվում

Տրամադրվել է 8563 սերտիֆիկատ, որից իրացվել են 4911-ը. Արսեն Թորոսյանը՝ ԼՂ-ից տեղահանվածների բնակապահովման մասին

Տրամադրվել է 8563 սերտիֆիկատ, որից իրացվել են 4911-ը. Արսեն Թորոսյանը՝ ԼՂ-ից տեղահանվածների բնակապահովման մասին

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում