Նոր հնարավորություն Հայաստանի գիտնականների համար. ՀՀ-ն միացել է ԵՄ «Հորիզոն Եվրոպա» ծրագրին

Օրերս Հայաստանի ու ԵՄ միջև ստորագրվեց մեկ այլ կարևոր համաձայնագիր: Հիմա Հայաստանի գիտական միտքը կարող է նախաձեռնությունների համար ֆինանսավորում ստանալ նաև Եվրոպայի խոշորագույն՝ Հորիզոն Եվրոպա ծրագրից: Այս նախագիծն առավել մեծ ուշադրություն է դարձնում ԱլԳ անդամ պետություններին:

«Հորիզոն Եվրոպա» ծրագիրը նախատեսված է 2021-27 թվականների համար: Ծրագիրը ոչ միայն դրամաշնորհներ է հատկացնում տեղում ուսումնասիրությունների համար, այլև հնարավորություն է ընձեռում ինտեգրվել Եվրոպական գիտական տարածքում, օգտվել ԵՄ երկրների գիտական ենթակառուցվածքներից և մասնակցել համաշխարհային գիտական հետազոտություններին: «Հորիզոն Եվրոպան» փոխարինելու է «Հորիզոն 2020» ծրագրին, որին Հայաստանը մասնակցել է 2016-2020 թթ.:

Հեղինակ՝ Աննա Զախարյան