«Ֆոտո Արցախ» նախագծի հեղինակն Արցախի գրողների միության անդամ և զինվորական կոչումով գնդապետ Սուրեն Սարումյանն է։ Նա նախ անկեղծանում է, թե ինչպես տարիներ առաջ մի ֆոտոխցիկ նվեր ստացավ, սկսեց ինքնակրթվել և դարձավ ֆոտոնկարիչ։ «Ֆոտո Արցախ» նախագծի նախապատմությունը ևս հետաքրքիր է։
Լուսանկարներում Արցախն է՝ իր անաղարտ հմայքով։ Համակարտություն, պատերազմ չկա։ Ֆոտոների ճնշող մեծամասնությունը պատերազմից առաջ է ստեղծվել, միայն մի քանիսը՝ հետո: Պատերազմի ընթացքում գնդապետը չի նկարել։
Լուսանկարները բոլորը հանպատրաստից են ծնվել։ Հատ-հատ հիշում է՝ երբ, որտեղ է նկարել։ Այս մեկն էլ Հադրութում էր, պատկերը գերող էր, անմիջապես նկարեց մեքենայի ապակուց։
Գյումրիում ցուցադրությունը մինչև փետրվարի 28-ն է, մարտին ցուցադրություն կկազամակերպեն Ստեփանակերտում, հետո՝ արտերկրում։ «Ֆոտո Արցախ» նախագիծն ուղերձ ունի մարդկությանը։
Գյումրեցի նկարիչ Վահան Թոփչյանը տպավորված է Սարումյանի Արցախով, այն մեկ բառով է բնութագրում՝ դրախտային։ Գյումրեցի բանաստեղծ Գևորգ Թումանյանը նաև իր գիրքն է նվիրել արցախցի գրողին, իսկ լուսանկարիչ Զավեն Խաչիկյանն ասում է՝ դժվարությամբ է համաձայնել մասնակցել, պատերազմից հետո սա առաջին ցուցադրությունն է, որ ներկա է։
Սուրեն Սարամյանը հատուկ շնորհակալագրով պարգևատրվեց Գյումրու քաղաքապետի կողմից։ Փոխքաղաքապետի անունից նրան որպես հիշատակ գիրք հանձնեցին Գյումրի քաղաքի մասին։
Գյումրիում բացվել է գնդապետ Սուրեն Սարումյանի «Արցախ» խորագրով լուսանկարների ցուցահանդեսը
Դիտումներ63
