Ազգային գեղանկարչության քրիստոսապատումի համապատկերը՝ մի քանի սերունդների լավագույն գործերով, ամբողջացել է Նկարիչների միության ցուցասրահում: «Կամք, իմաստություն, սեր» խորագրով ցուցադրությանը զուգահեռէ արվեստասերների գնահատմանն է ներկայացվում Սաթենիկ Վարդանյանի «Հիսուս Քրիստոսի կերպարը 20-րդ դարի և արդի հայ արվեստում» գիրքը, որը հեղինակի 15-ամյա ուսումնասիրության արդյունքն է:
Ցուցադրությունը ներկայացնում է նախորդ դարի 3 վճռորոշ ժամանակահատվածներ՝ 20-րդ դարի սկիզբ, խորհրդային 50-60-ականներ՝ խրուշչվյան ձնհալի բերած ազատականություն և, իհարկե, անկախության շրջան՝ ազատաբաղձության բուռն պոռթկումով: Բոլոր այս շրջաններում Աստվածապատկերումն իր զորավոր ուժով և մարդուն մարդ պահելու ձգտումով ոգեշնչել է մեր մեծերին:
Մեր ազգի պատմության և կյանքի տարբեր իրողությունները Քրիստոսի բացարձակ կատարելության լույսով լուսավորելու և հուսահատ մարդուն զորացնելու այս գեղանկարչական ուղերձը հատկապես այսօր խիստ հասցեական է:
Բաշինջաղյան, Սուրենյանց, Խանջյան, Թադևոսյան, Ֆեթվաջյան, Փարաջանով. բոլոր մեծերի գործերը զերծ են կրոնական որևէ կարծարտիպից ու սահմանափակումներից. ցուցադրված տասնյակ ստեղծագործությունները Հիսուսի կերպարի ամենատարբեր ու ազատ մեկնաբնություններն են:
Թերևս ոչ պատահականորեն ցուցահանդեսը բացվեց այն օրը, երբ հայկական Երուսաղեմը նշում է Սուրբ Ծննդյան տոնակատարությունը:
Արարատ Միրզոյանը մեկնել է ԱՄՆ՝ մասնակցելու ՄԱԿ-ի ԳԱ նստաշրջանի քննարկումներին
Մակրոնը հանդիպումներ է ունեցել Թրամփի և Զելենսկու հետ
Հասանք ինքնաթիռի մեր տեղին. Փաշինյան
Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է
Լուրեր 13:00 | «Գոլդեն Փելիս»-ին օտարված հողատարածքը կվերադարձվի Հայաստանի Հանրապետությանը
Այս օդանավով ենք թռչելու Նյու Յորք. Նիկոլ Փաշինյան