Նաիրա Այվազյանը 3 տարի առաջ իր որդու լույս աշխարհ գալուն էր սպասում: Ծնունդը, կարծես, հաջող էր ընթացել, երեխան, ըստ բժիշկների, առողջ էր, բայց 3 օր անց պատկերը փոխվեց, և հասավ գույժը՝ Նարեկ անունը ստացած փոքրիկը մահացել է:
Ծնողներն առաջին իսկ պահից չեն հավատացել, որ իրենց որդին մահացել է: Պայքարել են, դատաբժշկական փորձաքննության տվել ու այդպես էլ իրենց հուզող հարցերի պատասխանները չեն ստացել: 2017-ին հարուցված քրեական գործը նույն տարում էլ կարճվել է: 3 տարի անց ծնողները նոր հաղորդում են ներկայացրել նույն գործով:
