Իրանի և Ռուսաստանի նախագահները քննարկել են Հարավային Կովկասում վերջին զարգացումները
Իրանի նախագահը Ռուսաստանի ղեկավարի հետ հեռախոսազրույցում անդրադարձել է վերջերս Հայաստան կատարած իր այցին։ Մասուդ Փեզեշքիանը Վլադիմիր Պուտինին հայտնել է, որ Հայաստանի վարչապետից հավաստիացումներ է ստացել, որ Ադրբեջանի և Միացյալ Նահանգների հետ քննարկումներում և պայմանավորվածություններում Իրանի մտահոգությունները լիովին հաշվի են առնվել:
Փեզեշքիանն ընդգծել է, որ «3+3» տարածաշրջանային համագործակցության հարթակը կովկասյան տարածաշրջանում առկա խնդիրները լուծելու ավելի արդյունավետ մեխանիզմ է։ Նա կարևորել է նաև ԵԱՏՄ-ի, Շանհայի համագործակցության կազմակերպության և ԲՐԻԿՍ-ի նման կազմակերպությունների կարևորությունը համագործակցության ընդլայնման համար:
Պուտինն իր հերթին հաստատել է Ռուսաստանի ամուր աջակցությունն Իրանի կողմից ուրանի հարստացման իրավունքին:
ՌԴ նախագահը Փեզեշքիանին տեղեկացրել է Ալյասկայում վերջերս տեղի ունեցած ռուս-ամերիկյան բանակցությունների հիմնական արդյունքների մասին: Քննարկվել են երկկողմ օրակարգի արդիական հարցեր, այդ թվում՝ էներգետիկայի և տրանսպորտի ոլորտներում:
Մանրամասները՝ Սյուզան Չրաղյանի ռեպորտաժում։
