Օգոստոսի 15-ին՝ ժամը 14:29-ին, Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արա լեռան ստորոտին՝ Ծաղկեվանքի մոտակայքում, հրդեհ է բռնկվել։
Դեպքի վայր են մեկնել ՆԳՆ ՓԾ մարզային փրկարարական վարչության 6 օպերատիվ խումբ և հրշեջ-փրկարարական ջոկատից մեկ մարտական հաշվարկ (ընդհանուր 47 փրկարար)։
Ինչպես տեղեկացնում են ՆԳՆ Փրկարար ծառայությունից՝ նախնական տվյալներով՝ այրվում է մոտ 7 հա խոտածածկույթ։
