2022 թվականին որպես զարգացման նոր թիրախ և նոր նախաձեռնություն՝ պետական բյուջեից հատկացված միջոցներն ուղղվել են նաև Հայաստանի առաջին՝ Երկրի հեռահար դիտարկման արբանյակի արձակմանը և տիեզերալուսանկարների ձեռքբերմանը: Այդ մասին ԱԺ-ում հայտարարեց ԲՏԱ նախարար Ռոբերտ Խաչատրյանը:
«Արբանյակն արդեն շահագործման մեջ է, պարբերաբար ստացվում են լուսանկարներ, և պայմանագրով նախատեսված կառավարման կենտրոնն ամբողջությամբ կահավորված է և պատրաստ է շահագործման:
Ծրագրի շրջանակներում վերապատրաստում անցած հայ մասնագետները շուտով ամբողջությամբ կվերցնեն արբանյակի կառավարումն իրենց վրա, և փաստացի կառավարում կկատարվի ՀՀ տարածքից»,- ասաց նախարարը:
