Կարկուտը հարվածել է շրջափակված Արցախի բնակավայրերին. վնասները հաշվարկվում են

ՆՆարեկ Սահակյան

Վերջին օրերի սելավներն ու քամու ուղեկցությամբ կարկուտը մեծ վնաս են հասցրել Արցախի Ասկերանի և Մարտակերտի շրջանների գյուղատնտեսությանը:

Կարեն Աղաջանյան (Ասկերանի շրջանի վարչակազմի ղեկավարի տեղակալ) - Հեղեղվել են որոշ տարածքներ, ջրատարվել են փաստորեն, և առաջացել են լճացումներ ու վնասել ցանքսերը, որոնք ապահովված էին և կաթիլային համակարգով, տուժել են կաթիլային համակարգերը, ինչպես նաև որոշ տեղերում փլուզվել են ջերմատներ, խոշոր ջերմատները՝ մետական կոնստրուկցիաներով պատրաստված, պարզապես քամու պոռթկումը փլուզել է:

Նաիրի Գաբրիելյանին պատկանող դաշտում համեմատաբար բարվոք վիճակում են կանաչու ցանքսերը, հիմնականում վնասվել են ձմերուկը, պղպեղն ու լոլիկը:

Նաիրի Գաբրիելյան (Ասկերանի բնակիչ) - Վերևից ինչքան ջուր կա, սաղ եկել է, այս հատվածով մտել: Չենք կարողացել մի ժամ մոտավորապես մտնել դաշտ:

Կորցրածը վերականգնելու համար գյուղատնտեսները նոր սածիլներ են հողին պահ տալիս: Իսկ վնասված ջերմատներում փորձում են փրկել եղածը, սակայն մեծ հույսեր չունեն: Այս ջերմոցը ընտանիքի եկամտի միակ աղբյուրն է:

Վալենտինա Ծատրյան (Ասկերանի բնակիչ) - Կանենք, ինչքան հնարավոր է` մենք կաշխատենք, կփորձենք փրկել, բայց դեռ չգիտենք, չենք կարող ասել՝ կլինի, թե չլինի, չեմ կարող ասել: Այնպիսինները կան, որ կարող է` չստացվի:

Բնական աղետի հետևանքները Խնապատ և Խրամորթ գյուղերում ևս ծանր են: Խնապատ համայնքի ղեկավարի խոսքով՝ շրջափակման պայմաններում մարդիկ փորձել են հնարավորինս շատ գյուղմթերք արտադրել:

Սամվել Շահրամանյան (Խնապատ համայնքի ղեկավար) - Մեր գյուղում ընդհանրապես կարտոֆիլ չէին ցանում, հեկտարներով կարտոֆիլ են ցանել, ջերմոցները միանգամից լայն թափ են ստացել, այգիներն են: Ինչ արած, բնական աղետի դեմ չենք կարողանում, այդ պայքարը դեռ չենք կարողանում, այս պահին դեռ չունենք:

Կարկտահարված այգիները նկատելի են առաջին հայացքից: Կեռասի, բալի կորուստը մեծ է, ասում է 19 հեկտար այգու մշակությամբ զբաղվող ընկերության տնօրենը: Բերքի շրջանում 65 աշխատատեղ են ապահովում:

Աշոտ Բալասանյան (ընկերության տնօրեն) - Չնայած բերքը լիարժեք չէ, բայց մենք պետք է հավաքենք բերքը, թեկուզ ցածր գներով իրացնենք շուկայում, որպեսզի կարողանանք այդ մարդկանց օրվա աշխատավարձերը տանք:

Բնական աղետից տուժած համայնքները վնասված ցանքսերի ծավալները ներկայացնում են շրջանի վարչակազմ: Հաշվարկից հետո Արցախի գյուղատնտեսության նախարարությունում կքննարկեն պետական աջակցության մեխանիզմները:

Կապահովվի Ղարաբաղից տեղահանված անձանց և անհետ կորած զինծառայողների ընտանիքներին սոցիալական աջակցությունների շարունակականությունը

Կապահովվի Ղարաբաղից տեղահանված անձանց և անհետ կորած զինծառայողների ընտանիքներին սոցիալական աջակցությունների շարունակականությունը

Երկարաձգվել են Ղարաբաղից տեղահանված անձանց սոցիալական աջակցության երկու ծրագրերի ժամկետները

Երկարաձգվել են Ղարաբաղից տեղահանված անձանց սոցիալական աջակցության երկու ծրագրերի ժամկետները

Անապահով ընտանիքների աշխատունակ անձանց, զորացրված զինծառայողների և Ղարաբաղից տեղահանված անձանց զբաղվածության ծրագրերը կմիավորվեն 1 ծրագրի մեջ

Անապահով ընտանիքների աշխատունակ անձանց, զորացրված զինծառայողների և Ղարաբաղից տեղահանված անձանց զբաղվածության ծրագրերը կմիավորվեն 1 ծրագրի մեջ

ԼՂ-ից տեղահանվածներն ամենաշատը Կոտայքի մարզում են իրացրել սերտիֆիկատները

ԼՂ-ից տեղահանվածներն ամենաշատը Կոտայքի մարզում են իրացրել սերտիֆիկատները

«070» կոդով հին նմուշի անձնագրերի տպագրությունն ու տրամադրումը նոյեմբերի 1-ից չեն դադարեցվում

«070» կոդով հին նմուշի անձնագրերի տպագրությունն ու տրամադրումը նոյեմբերի 1-ից չեն դադարեցվում

Տրամադրվել է 8563 սերտիֆիկատ, որից իրացվել են 4911-ը. Արսեն Թորոսյանը՝ ԼՂ-ից տեղահանվածների բնակապահովման մասին

Տրամադրվել է 8563 սերտիֆիկատ, որից իրացվել են 4911-ը. Արսեն Թորոսյանը՝ ԼՂ-ից տեղահանվածների բնակապահովման մասին

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում