Ադրբեջանցի «էկոակտիվիստների» միջամտության պատճառով ԲԿ տեղափոխված 4 կանանցից 3-ը դուրս են գրվել բուժհաստատությունից
Երեկ Գորիս-Ստեփանակերտ մայրուղու արգելափակված հատվածում ադրբեջանցի «էկոակտիվիստների» միջամտության պատճառով 4 քաղաքացիներ (կանայք) ինքնազգացողության վատթարացման հետևանքով տեղափոխվել են Արցախի առողջապահության նախարարության Հանրապետական բժշկական կենտրոն: Այդ մասին հայտնում են Արցախի ԱՆ-ից:
Քաղաքացիները գտնվում էին ծանր հոգեբանական և սթրեսային վիճակում, որոնցից երեքը ուշագնաց էին եղել: Բժիշկների կողմից ցուցաբերվել է համապատասխան բժշկական օգնություն, և երեքն արդեն դուրս են գրվել բուժհաստատությունից, իսկ մեկը մնում է բժիշկների հսկողության տակ:
