ՀՀ նախագահ Վահագն Խաչատուրյանը հրամանագրեր է ստորագրել Վճռաբեկ դատարանի պալատներում դատավորներ նշանակելու մասին
Այսպես՝ Արծրուն Միրզոյանը, Լիանա Հակոբյանը, Քրիստինե Մկոյանը նշանակվել են Վճռաբեկ դատարանի վարչական պալատի դատավորներ:
Արթուր Դավթյանը, Լիպարիտ Մելիքջանյանը և Գևորգ Գյոզալյանը նշանակվել են Վճռաբեկ դատարանի հակակոռուպցիոն պալատի քաղաքացիական գործերի քննության դատական կազմի դատավորներ:
Իսկ Արտակ Կրկյաշարյանը, Կարեն Բիշարյանը և Սերգեյ Չիչոյանը նշանակվել են Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորներ:
