Օրը 60 վայրկյանում. 21.06.21
Նորընտիր խորհրդարանում ՔՊ-ն կունենա սահմանադրական մեծամասնություն և կձևավորի կառավարություն՝ ասել է Նիկոլ Փաշինյանը: Նրա խոսքով՝ Հայաստանի ժողովուրդը վերջին երեք տարվա մեջ արել է երկրորդ հեղափոխությունը:
Կրեմլը տեսնում է Փաշինյանի կուսակցության վստահ հաղթանակն ընտրություններում և շնորհավորում հայ ժողովրդին իր ընտրության կապակցությամբ՝ ասել է ՌԴ նախագահի մամուլի քարտուղարը:
ԵՄ-ն կանգնած է Հայաստանի կողքին՝ աջակցելով խոր բարեփոխումների արդյունավետ իրականացմանը. Եվրոպական խորհրդի նախագահ Շառլ Միշելը՝ Նիկոլ Փաշինյանին:
Հայաստանի խորհրդարանի արտահերթ ընտրությունների ժամանակ տեղի ունեցած խախտումները չեն ազդի քվեարկության արդյունքների վրա. ԵԱՀԿ և ԵԽԽՎ դիտորդները գնահատել են Հայաստանում խորհրդարանական ընտրությունների օրինականությունը:
Պատգամավորներ Տաթևիկ Հայրապետյանը և Սոս Ավետիսյանը ԵԽԽՎ-ում բարձրացրել են գերիների հարցը:
ԿԸՀ-ն բավարարել է Արմեն Չարչյանի վերաբերյալ Դատախազության ներկայացրած միջնորդությունները:
Օրվա կորոնաթվերի մասին. հաստատվել է կորոնավիրուսային հիվանդության 26 նոր դեպք: Ունենք 63 առողջացած և 1 մահվան դեպք:
