Արդեն մի քանի ամիս է հիմնովին դատարկվել ու վերանորոգման ընթացքի մեջ են Ազգային պատկերասրահի բոլոր 56 ցուցասրահները: Պատկերասրահում ամբողջությամբ փոխվում է օդափոխիչ համակարգը, խնդիրը տասնամյակների պատմություն ունի. ձմռանը ցուրտ էր, ամռանը՝ տաք. ջերմաստիճանը ցուցասրահներում կարող էր հասնել մինչև 38 աստիճանի:
Ազգային պատկերասրահը 40 հազարից ավելի արժեքավոր ցուցանմուշ ունի. ցուցադրվում է միայն 7 %-ը, մյուս բոլոր նմուշները պահվում են ֆոնդապահոցներում և, իհարկե, պահպանության միջազգային պայմանների կարիք ունեն: Հիմա նոր համակարգը մասամբ լուծում է խնդիրը:
Բոլոր մեծարժեք ցուցանմուշները խնամքով փաթեթավորվել են ու ապահով պահվել: Առանձին նմուշներ առանձնահատուկ մոտեցում են պահանջել. օրինակ՝ Այվազովսկու մեծադիր կտավներից մեկի միայն շրջանակը 500 կգ է կշռում: Ասում են՝ նորոգումը մեծ փորձություն էր ազգային արժեքների համար:
Առաջիկա 3 ամսվա ընթացքում օդափոխման համակարգի արդիականացման փուլը կավարտվի: Այստեղ արդեն մտածում են նոր մշտական ցուցադրության հայեցակարգի մասին: Խնդիրները շատ են, մանավանդ որ հիմնանորոգումից հետո ցուցադրական տարածքների կորուստ են ունենալու:
100-ամյակի տարին պատկերասրահը դիմավորում է ոչ այնքան տոնական, որքան տքնաջան աշխատանքային մթնոլորտում, բայց լիահույս են՝ հոբելյանական հռչակված 2021-2022 թթ. կունենան թանգարանային մի վիճակ, որը պատիվ կբերի երկրի գլխավոր պատկերասրահին:
Այս օդանավով ենք թռչելու Նյու Յորք. Նիկոլ Փաշինյան
COP17 Week Dilijan-ը պաշտոնապես մեկնարկել է
Նյու Յորքում քննարկվել են COP17-ի առաջնահերթությունները
Ոստիկաններն իրացնելու նպատակով կեղծ ալկոհոլային խմիչք պատրաստելու դեպքեր են բացահայտել
Անհայտ անձը կրակ է բացել թուրքական դպրոցում. կան վիրավորներ
Երևանի և Սյունիքի մաքսային ու լոգիստիկ կենտրոնները կկառուցվեն միջազգային կանաչ շինարարությանը համապատասխան՝ LEED հավաստագրմամբ