Նախագահի առարկությունները չեն պարունակում որևէ իրավական հիմք և հիմնավորում. արդարադատության նախարար
Արդարադատության նախարար Ռուստամ Բադասյանի համոզմամբ, խախտվել է Սահմանադրության 14-րդ հոդվածը, համաձայն որի, Զինված ուժերը քաղաքական հարցերում պահպանում են չեզոքություն և քաղաքացիական վերահսկողության ներքո են:
Արդարադատության նախարարը հայտարարել է՝ Օնիկ Գասպարյանին ԶՈւ ԳՇ պետի պաշտոնից ազատելու վարչապետի առաջարկությունը չստորագրելու նախագահի որոշումն իրավական հիմքեր չունի:
Ռուստամ Բադասյան (ՀՀ արդարատադության նախարար) - Նախագահի ներկայացրած առարկությունները, ըստ էության, չեն պարունակում որևէ իրավական հիմք և հիմնավորում:
Սա ոչ թե գնահատական է, այլ տեքստը ով էլ դիտարկի՝ կարող է հենց միանգամից արձանագրել. իրավական որևէ հիմք ուղղակի վկայակոչված է, բայց հիմնավորումը բացակայում է: Ընդ որում՝ վկայակոչված է կոնկրետ օրենքի անունով, որ այս օրենքում չկա ազատման հիմք, բայց այդ օրենքում ազատման հիմքը կարգավորված է այլ օրենքով:
Բարդ եմ պատկերացնում, թե Սահմանադրական դատարան ինչ հարցով պետք է դիմի և ինչ հիմնավորմամբ, որն ամենակարևորն է, և եթե զուտ իրավական առումով կանխատեսելիության մասին խոսենք, ինձ թվում է՝ ելքը ակնհայտ է:
Իրավական կարգավորումները պահանջում են միանշանակ հաստատում նման ներկայացված առաջարկին:
