Գերեվարված անձանց իրավունքների պաշտպանության ուղղությամբ դեռևս լուրջ աշխատանք է սպասվում
Երկար սպասումից հետո Կարեն Ղազարյանը վերադարձավ Հայաստան: Սահմանամերձ Բերդավան գյուղից Արմեն Ղազարյանը շտապել է Երևան՝ տեսակցելու որդուն, կսպասի՝ նրան դուրս բերեն հոսպիտալից: Բաքուն Կարեն Ղազարյանին դատապարտել էր 20 տարի ազատազրկման:
Գերիներին Հայաստան բերող օդանավի կադրերն արցունքն աչքերին են դիտել ժամկետային զինծառայող Հրաչյա Գաբրիելյանի ծնողները: Տվյալներ կան, որ նա ևս հայտնվել է գերության մեջ: Հոկտեմբերի 14-ից հարազատները լուր չունեն:
Լուսինե Գաբրիելյան (Ադրբեջանում գերեվարված Հրաչյա Գաբրիելյանի մայրը) - Անգամ խնդրելով, աղերսելով, որ մենակ իմ տղան չէ, բոլոր տղաներն էլ գան, հասնեն իրենց ծնողներին: Երեկ, որ տեսա, ուրախացա, ասեցի՝ էդ ուրախությունը մեր դուռն էլ թակի:
ՄԻԵԴ-ում գերիների շահերի ներկայացուցիչների դիմումների հիման վրա մոտ յոթ տասնյակ գործով Եվրադատարանը կիրառել է հրատապ միջոց: Հրաչյա Գաբրիելյանի և ևս 17 անձի գերության փաստով Ստրասբուրգի դատարանը Ադրբեջանի կառավարությունից դեռ չի ստացել պատասխան:
Սիրանուշ Սահակյան (ՄԻԵԴ-ում հայ գերիների շահերի ներկայացուցիչ) - Մենք ունեինք ժամկետներ, որոնք լրանում էին ամսի 10-ին, 11-ին և 14-ին, նշված ժամկետումԱդրբեջանը պետք է տեղեկատվություն տրամադրեր Եվրոպական դատարանին, Եվրադատարանը դրանք ստանալուն պես Սիրանուշ Սահակյանի խոսքով, վերջնաժամկետն ավարտվել է, պատասխանի ուշացումը հնարավոր է այլ հանգամանքով պայմանավորված լինել:
Որպես կանոն՝ հաշվի առնելով գործի հրատապությունը, Եվրադատարանն արագ տրամադրում է Բաքվից ստացած տեղեկատվությունը:
Զառա Ամատունի (Հայաստանում ԿԽՄԿ հաղորդակցման ծրագրերի ղեկավար) - Մենք փորձում ենք հետևել և ցանկացած դեպքում տեսբնելով, նկատելով նոր դեպք՝ գնալ, այդ առումով դժվար է ասել՝ քանի հոգի լինել, կոչ ենք անում իշխանություններին՝ տրամադրել ամբողջական ցանկերը, որոնք թույլ կտան պատկերացում կազմել ամբողջական գերիների մասին:
Հրաչյա Գաբրիելյանը զորակոչվել է ամռանը: Գնդրացրորդ է: Զբաղվել է ըմբշամարտով, հաջողություններ ունեցել, չեմպիոն է:
Արտաշ Գաբրիելյան (Ադրբեջանում գերեվարված Հրաչյա Գաբրիելյանի եղբայրը) - Փոքրուց ասում էր՝ ուզում եմ ծառայեմ, կգնամ Արցախում կծառայեմ, ուժեղ տղա ա:
Սիրանուշ Սահակյան - ՄԻԵԴ-ում հայ գերիների շահերի ներկայացուցիչ-Տեղյակ ենք, որ գերիների փոխանկմանը զուգընթաց, ունենում ենք դեպքեր, 12-13 անձի գերեվարման հանգամանք է հայտնի, նույնականացման աշխատանքներնիրականացվում են:
Միջազգային իրավունքի պահանջն է՝ ռազմական գործողությունների դադարից հետո վերադարձվեն գերիները: Սահակյանի խոսքով, սակայն, վերադարձը չի չեզոքացնում մինչև այդ անձի նկատմամբ միջազգային իրավունքի նորմերի խախտումները: Ըստ ՄԻԵԴ-ում գերիների ներկայացուցչի, այդ խախտումները պետք է միջազգային գնահատական ստանան:
