Էջմիածնում կանաչ ծառ են հատել, ըստ բնակիչների՝ գարեջրատուն կառուցելու համար
Էջմիածնի Բաղրամյան փողոցի թիվ 22 և 24 շենքերի երեխաները բակ չեն իջնում ակտիվ երթևեկության պատճառով: Փոքրիկներին խաղահրապարակ, մեծերին հանգստի պայմաններ ստեղծելու համար բնակիչները տարիներ առաջ բակում ստեղծել են կանաչ գոտի, ծառ ու ծաղիկ տնկել, ջրագիծ անցկացրել: Մի քանի ամիս է, սակայն, բնակիչների անդորրը խախտվել է, հայտնվել է շենքերի հարևանությամբ գտնվող խանութի տերն ու հայտնել՝ խանութը պետք է մեծացնել, ծառերը խանգարում են:
