ՌԴ ԱԳՆ պաշտոնական ներկայացուցիչը մեկնաբանել է Հայաստանի սահմանների գնդակոծության դեպքերը
Կորոնավիրուսի պատճառով ՌԴ ԱԳՆ խոսնակ Մարիա Զախարովայի ամենշաբաթյա ճեպազրույցն անցել է առանց լրագրողների ներկայության: Բայց դա չի խանգարել, որպեսզի Զախարովան մեկնաբանի հայ-ադրբեջանական սահմանին ստեղծված իրավիճակի զարգացումները, որ արտահայտվեցին վերջին շրջանում Ադրբեջանի կողմից Հայաստանի տարածքների գնդակոծությունների տեսքով:
«Դժբախտաբար, սահմանին ու շփման գծում շարունակվում են հրադադարի ռեժիմի խախտման դեպքերը, որոնց հետևանքով կան զոհեր ու վիրավորներ: Կողմերին հորդորում ենք զսպվածություն ցուցաբերել, ձեռնպահ մնալ ուժի կիրառումից, ակտիվացնել քաղաքական միջոցներով հակամարտության կարգավորմանը հասնելուն ուղղված բանակցային գործընթացը»:
Մարիա Զախարովան նաև ցավակցական ուղերձ է հղել զոհվածների հարազատներին՝ նշելով, որ ռուսական կողմը շարունակելու է հետևել ու մեկնաբանություններ անել այս թեմայի վերաբերյալ:
