Հութիներն օտարերկրյա ընկերություններին կոչ են արել Սաուդյան Արաբիայից դուրս բերել ներդրումները: «Անսար Ալլահ» շարժման ներկայացուցիչը հայտարարել է, որ երկիրը ներդրումների համար անվտանգ միջավայր չէ, քանի դեռ շարունակում է ռազմական գործողություններն ու Եմենի շրջափակումը:
Հութիները նաև նախազգուշացրել են Սաուդյան Արաբիայի օբյեկտների դեմ ռազմական գործողությունների անցկացման մասին: Նրանց պնդմամբ՝ հարվածների են ենթարկվել Խալիդ թագավորի անվան օդանավակայանը և Էր Ռիադի նավթամուղի պոմպակայանները, Աբկաիկում գտնվող Aramco ընկերության օբյեկտը, Սաուդյան զորքերի կուտակման վայրերը, ինչպես նաև մայրաքաղաքում ֆինանսական կենտրոնը:
