Անհատ ձեռնարկատեր Սուրեն Կարապետյանին պատկանող հանրային սննդի օբյեկտում (Վայոց ձորի մարզ, Արենի համայնք, 36-րդ փողոց 48) Սննդամթերքի անվտանգության տեսչական մարմնի տեսուչներն անցկացրել են վերահսկողական միջոցառում և հայտնաբերել սանիտարահիգիենիկ բնույթի խախտումներ: Այս մասին տեղեկացնում են ՍԱՏՄ-ից:
Այսպես՝
- հանրային սննդի կառույցը նախագծված, կառուցված ու տեղակայված չի եղել այնպես, որ հնարավոր լինի կատարել համապատասխան խնամք, մաքրում և ախտահանում, բացառվի օդից փոխանցվող աղտոտումը,
- պատերը պատրաստված չեն եղել անջրանցիկ, չներծծվող նյութից, չեն ունեցել հարթ մակերես, հեշտությամբ չեն մաքրվել, չեն ախտահանվել,
- առաստաղները և վերին ամրությունները նախագծված և կառուցված չեն եղել այնպես, որ կանխարգելվի կեղի կուտակումը, գոլորշու խտացումը, անցանկալի բորբոսների աճը և մասնիկների թափվելու հնարավորությունը,
- սննդամթերքի հետ անմիջական շփման մեջ գտնվող աշխատանքային, ներառյալ՝ սարքավորումների, մակերևույթները պատրաստված չեն եղել հարթ, մաքրվող, ոչ թունավոր, քայքայամաշման (կոռոզիայի) չենթարկվող նյութերից, չեն պահվել նորոգ վիճակում, հեշտությամբ չեն մաքրվել, չեն ախտահանվել:
Տեսչական մարմնի ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է մինչև հայտնաբերված խախտումները վերացնելը:
