Հայաստանը շարունակելու է մնալ ԵԱՏՄ անդամ, քանի դեռ մեր պետությունը դա ճիշտ է համարում, ճեպազրույցում ասել է էկոնոմիկայի նախարարը։ Գևորգ Պապոյանը նշել է, որ ժամանակին Հայաստանը ԵԱՏՄ-ին անդամակցել է խայտառակ պայմաններով, ինչի հետևանքով ԵԱՏՄ-ից ստանում ենք ավելի քիչ օգուտ, քան տալիս ենք։ Ըստ Պապոյանի՝ այսօր ԵԱՏՄ երկրները համաձայն չեն Հայաստանի մասնաբաժնի ավելացման գաղափարի հետ։
«Հայաստանը ոչ թե պետք է 450 տա, 250 ստանա, այլ արդարն էն է, որ Հայաստանը պետք է 900 ստանա։ Մենք արդեն շատ վատ վիճակում ենք։
Մեր բանակցողներն էն ժամանակ ՀՀ տնտեսական շահը չեն պաշտպանել։ Այ հենց դա է հարցը, երբ որ ՀՀ ժողովրդի և պետության շահը որոշ շրջանակներ տասնամյակներ շարունակ գցել են գետնին, ինչ է թե ինչ-որ տեղ իրենց գլուխը շոյեն»,– ասել է Պապոյանը։
