Բուլղարիայի նախագահի ընտրությունում ոչ մի թեկնածու առաջին փուլում չի ապահովել անհրաժեշտ բացարձակ մեծամասնությունը: Երկրի Կենտրոնական ընտրական հանձնաժողովի տվյալներով՝ քվեաթերթիկների 95.3%-ի հաշվարկից հետո գործող նախագահ Իլյանա Յոտովան ստացել է ձայների 34.6%-ը, արևմտամետ նախկին վարչապետ Անդրեյ Գյուրովը՝ 32%-ը:
Ընտրողների մասնակցությունը կազմել է ընդամենը 22.2%, ինչը զգալիորեն ցածր է անհրաժեշտ մակարդակից՝ ավելի քան 50 տոկոսից: Երկրորդ փուլը, հավանաբար, տեղի կունենա նոյեմբերի 1-ին:
Յոտովան ներկայացնում է Բուլղարիայի սոցիալիստական կուսակցությունը, մինչդեռ Գյուրովը անկախ է, բայց նրան աջակցել են կենտրոնամետ «Շարունակենք փոփոխությունները» և «Դեմոկրատական Բուլղարիա» կուսակցությունները:
Բուլղարիայում նախագահի ընտրությունը վաղաժամ է անցկացվում նախկին ղեկավար Ռումեն Ռադևի հրաժարականի պատճառով: Հունվարին նա հրաժարական էր ներկայացրե՝լ այս տարվա սկզբին կայացած խորհրդարանի ընտրությանը մասնակցելու համար: Ռադևը ներկայումս զբաղեցնում է վարչապետի պաշտոնը: Նրա հրաժարականից հետո Բուլղարիայի ժամանակավոր նախագահ է Յոտովան:
