Ղրղզստանի վարչապետ Ադիլբեկ Կասիմալիևը Մինսկում կայացած Եվրասիական միջկառավարական խորհրդի նիստում բարձրացրել է ԵԱՏՄ ներքին սահմաններում առկա մշտական խոչընդոտների հարցը։
«Ներկայումս Միության ներքին սահմաններում մնում են ֆիզիկական խոչընդոտներ։ Փոքր գյուղատնտեսական արտադրողի համար նույնիսկ մեկօրյա ուշացումը կարող է նշանակել ապրանքի փչացում, իսկ հաճախ՝ նույնիսկ բիզնեսի լիակատար դադարեցում։ Հետևաբար, անհրաժեշտ է աստիճանաբար լուծել խոչընդոտները, ապահովել սահմանային անցակետերի համակարգված զարգացումը և տրանսպորտային ենթակառուցվածքների համակարգումը», - ասել է նա։
Պաշտոնյայի խոսքով՝ առանձին որոշումները չպետք է խոչընդոտ ստեղծեն Միության ներքին շուկայում ապրանքների ազատ տեղաշարժի համար։
Կասիմալիևն առաջկել է միավորել առևտրային հոսքերի կարգավորման բոլոր գործիքները՝ նավիգացիոն կնիքները, էլեկտրոնային առաքման փաստաթղթերը, հետագծելիության և արտադրանքի պիտակավորման գործիքները, ինչպես նաև համապատասխանության գնահատումը՝ միասնական թվային համակարգում։ Ղրղզստանի վարչապետի կարծիքով՝ «Այդ ժամանակ վերահսկողությունը կանցնի թվային հարթություն, իսկ ֆիզիկական ստուգումները կդառնան բացառություն»:
