Լոռու մարզի Թումանյան համայնքի ՏԻՄ ընտրություններում «Քաղաքացիական պայմանագիր» կուսակցությունը ստանում է ընտրության մասնակիցների ձայների 95.1%-ը, և ցուցակի առաջին համար Սուրեն Թումանյանը վերընտրվում է համայնքի ղեկավարի պաշտոնում: Ընտրապայքարին մասնակցում էր միայն «Քաղաքացիական պայմանագիր» կուսակցությունը. այլ քաղաքական ուժեր ավագանու ընտրությանը մասնակցելու հայտ չէին ներկայացրել:
«Քաղաքացիական պայմանագրի» թեկնածու Էդիկ Չախալյանն էլ մեծամասնական ընտրակարգով է վերընտրվել Լոռու մարզի Լերմոնտովո համայնքի ղեկավար: Չախալյանը նույնպես եղել է միակ թեկնածուն:
Ավելի վաղ հայտնել էինք՝ ժամը 20:00-ին ավարտվել է ՏԻՄ ընտրությունների քվեարկությունը։
Մասնակցության արդյունքները ժամը 20:00-ի դրությամբ ըստ համայնքների հետևյալն են՝
Արմավիրի մարզի Ֆերիկ համայնք-57.06%
Լոռու մարզի Թումանյան համայնք-59.96%
Լոռու մարզի Լերմոնտովո համայնք-35.29%
Կոտայքի մարզի Արզնի համայնք-45.20%:
