Սպառողի օգնական հարթակի գործարկում, սպառողական կրթություն դպրոցական ծրագրերում, Սպառողների հաշտարարի ինստիտուտի ներդրում. ոլորտի բարեփոխումները՝ ICPEN համաժողովում
Մրցակցության և սպառողների շահերի պաշտպանության հանձնաժողովի նախագահ Գեղամ Գևորգյանը մասնակցել է Թբիլիսիում տեղի ունեցած Սպառողների պաշտպանության և օրենսդրության կիրարկման միջազգային ցանցի (ICPEN) համաժողովին և բարձր մակարդակի հանդիպմանը։
Գեղամ Գևորգյանը ելույթ է ունեցել «Սպառողների շահերի պաշտպանության ոլորտում տարածաշրջանային հեռանկարներ․ Արևելյան Եվրոպա և Հարավային Կովկաս» թեմայով նիստին՝ ներկայացնելով Հայաստանում սպառողների շահերի պաշտպանության ոլորտի բարեփոխումները։
Հանձնաժողովի նախագահն իր խոսքում ընդգծել է, որ ներդրվել է և արդեն 1,5 տարի է գործում է «Սպառողի օգնական» առցանց հարթակը, որի միջոցով սպառողները պարզ և մատչելի եղանակով դիմում են Հանձնաժողով՝ իրենց անհատական բողոքների լուծման նպատակով։ Բացի այդ, սպառողական կրթության պարտադիր բաղադրիչ է ներառվելու դպրոցական ուսումնական ծրագրում, ինչպես նաև ներդրվելու է Սպառողների հաշտարարի ինստիտուտ՝ որպես վեճերի այլընտրանքային լուծման հնարավորություն։
2025 թվականի նոյեմբերից Հանձնաժողովը հանդիսանում է ICPEN-ի լիիրավ անդամ։ ICPEN-ը միջազգային հարթակ է, որը միավորում է սպառողների շահերի պաշտպանության ոլորտի իրավասու կազմակերպությունների աշխարհի շուրջ 80 երկրներից։
