Կենդանաբանական այգու աշխատակիցները գիշերը 5 թափառող շուն են բռնել

Այս գիշեր Երևանի կենդանաբանական այգու տարածքում հայտնաբերվել և բռնվել են 5 թափառող շներ:

Շները թմրեցվել են հատուկ հեռահար թմրեցման սարքի միջոցով, տեղադրվել վանդակների մեջ, պահվել Երևանի կենդանաբանական այգու կլինիկայի տարածքում, իսկ այսօր կեսօրին փոխանցվել են «Թափառող կենդանիների վնասազերծման կենտրոն» ՀՈԱԿ-ի աշխատակիցներին, որտեղ արդեն կիրականացվեն հետագա գործողությունները։ 

Բռնված թափառող կենդանիները թմրեցվել են կենդանիների համար անվտանգ և անցավ տարբերակով և նույն կարգավիճակով փոխանցվել վերոնշյալ կենտրոն: