Ալֆրեդ Քոչարյանը հանդիպել է Վրաստանի մշակույթի նախարարի տեղակալի հետ. ինչ է քննարկվել

ՀՀ կրթության, գիտության, մշակույթի և սպորտի նախարարի տեղակալ Ալֆրեդ Քոչարյանը Վրաստան այցի շրջանակում պաշտոնական հանդիպում է ունեցել Վրաստանի մշակույթի նախարարի տեղակալ Թեյմուրազ Գամցեմլիձեի հետ: Այս մասին հայտնել է ԿԳՄՍ նախարարությունը:

Պաշտոնյաները քննարկել են միջմշակութային հարաբերությունների զարգացման հեռանկարները և թանգարանների ոլորտում համատեղ ցուցադրությունների կազմակերպման հնարավորությունները:

Հիշեցնենք՝ Ալֆրեդ Քոչարյանի Վրաստան այցի նպատակն էր Թբիլիսի քաղաքի N 13 հասցեում հայ մեծանուն արվեստագետ և մտավորական Երվանդ Քոչարին նվիրված հուշատախտակի բացումը: