Օգոստոսի 8-ին ՀՀ ԱԳ նախարարի տեղակալ Ռոբերտ Աբիսողոմոնյանն ընդունել է Հայաստանում ՄԱԿ Պարենի համաշխարհային ծրագրի նորանշանակ տնօրեն Լեյլա Մելիուհին՝ հավատարմագրերի պատճենը հանձնելու կապակցությամբ։ Այս մասին տեղեկացրել է ԱԳ նախարարությունը:
Շնորհավորելով ՊՀԾ տնօրենին նշանակման կապակցությամբ՝ ԱԳ նախարարի տեղակալն ընդգծել է Հայաստանում պարենային անվտանգության և հումանիտար ոլորտի այլ խնդիրների հասցեագրման ջանքերում ՊՀԾ ծրագրերի կարևորությունը:
Զրուցակիցները երկուստեք գոհունակություն են հայտնել իրականացված աշխատանքների և գրանցված արդյունքների կապակցությամբ` կարևորելով ծրագրերի շարունակականության ապահովումը և նոր ուղղությունների նախանշումը:
Անդրադառնալով ՊՀԾ՝ 2026-2030թթ. համար Հայաստանի ռազմավարական ծրագրին՝ նախարարի տեղակալ Ռոբերտ Աբիսողոմոնյանը կարևորել է առկա կարիքների և առաջնայնությունների հասցեագրման վրա հիմնված համապարփակ գործողությունների ծրագրի մշակումն ու իրականացումը:
