Սոմալիի մայրաքաղաքի օդանավակայանում հայկական ավիաընկերության ինքնաթիռը վթարային վայրէջք է կատարել

Այսօր կեսօրին Սոմալիի մայրաքաղաք Մոգադիշոյի օդանավակայանում տեղի է ունեցել պատահար՝ «Մարս ավիա» ՓԲԸ-ի կողմից շահագործվող An-74 EK 74008 օդանավը վթարային վայրէջք է կատարել առանց հենասարքերի: Այս մասին հայտնում է Քաղաքացիական ավիացիայի կոմիտեի ֆեյսբուքյան էջը: Միջադեպի հետևանքով օդանավը վնասվել է և ենթակա է վերականգնման: Օդանավում գտնվել է միայն անձնակազմը. բարեբախտաբար, ոչ ոք չի տուժել: