Եվրոպական դիվանագիտության ղեկավարը Թրամփի վարչակազմին զգուշացրել է Իրան-Իսրայել հակամարտությանը ռազմական միջամտության կապակցությամբ, գրում է Euronews-ը։
«Միացյալ Նահանգների հնարավոր ռազմական միջամտությունը կհանգեցնի Իրանի և Իսրայելի միջև հակամարտության «տարածմանն» ամբողջ Մերձավոր Արևելքում, և այն կդառնա ավելի լայնածավալ ու վտանգավոր»,- հայտարարել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը։
Նրա նախազգուշացումը հնչել է այն բանից հետո, երբ Դոնալդ Թրամփը բացահայտ ենթադրություն է արել, որ իր երկիրը կարող է գործնական մոտեցում ցուցաբերել մարտական գործողությունները դադարեցնելու հարցում։
Կալասը հասկացրել է, որ Եվրամիությունը չի աջակցի պատերազմին Միացյալ Նահանգների միանալուն։
