ՄՄարիամ Մխիթարյան

Իսրայել Կացը բարձր է գնահատել Ադրբեջանի հետ խոր ռազմավարական դաշինքը

Իսրայել Կացը բարձր է գնահատել Ադրբեջանի հետ խոր ռազմավարական դաշինքը

Իսրայելի պաշտպանության նախարար Իսրայել Կացն այսօր Թել Ավիվում հանդիպել է իր ադրբեջանցի գործընկեր Զաքիր Հասանովի հետ՝ անվտանգության ոլորտում երկկողմ համագործակցությունն ամրապնդելու նպատակով, ասվում է Իսրայելի պաշտպանության նախարարության հայտարարության մեջ։

Հանդիպման ընթացքում Կացը բարձր է գնահատել երկու երկրի միջև խոր ռազմավարական դաշինքը՝ նշելով ընդհանուր շահերն ու փոխադարձ վստահությունը։ Նա շնորհակալություն է հայտնել Հասանովին հոկտեմբերի 7-ին ՀԱՄԱՍ-ի կողմից զանգվածային հարձակումից հետո Ադրբեջանի ցուցաբերած աջակցության, ինչպես նաև Իսրայելի և Թուրքիայի միջև միջնորդական ջանքերի համար։

Կացը նաև նշել է «Եվրատեսիլում» Ադրբեջանի քվեարկության արդյունքները, որտեղ Իսրայելը ստացել է ժյուրիի առավելագույն միավորները՝ դա անվանելով երկու պետությունների և ժողովուրդների միջև բարեկամության իսկական նշան։

Կողմերը համաձայնության են եկել ընդլայնելու համագործակցությունը պաշտպանության ոլորտում։

Ադրբեջանի պաշտպանության նախարարությունը չի հաղորդել Զաքիր Հասանովի՝ Իսրայել այցի մասին։

Դիտումներ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում