Չինաստանի, Միացյալ Նահանգների և Ռուսաստանի նախագահների միջև նոյեմբերի 19-ին նախատեսվող եռակողմ հանդիպումը բեկումնային նշանակություն ունի, հայտարարել է Չինաստանի արտգործնախարարության խոսնակը:
Մաո Նինի խոսքով՝ Սի Ծինփինը, Դոնալդ Թրամփը և Վլադիմիր Պուտինը հանգամանալից մտքեր կփոխանակեն համաշխարհային խաղաղության պահպանման և մեծ տերությունների հարաբերություններում ռազմավարական կայունության ամրապնդման հարցերի շուրջ: Սա կլինի ԱՄՆ-ի, Չինաստանի և Ռուսաստանի ղեկավարների առաջին դեմ առ դեմ հանդիպումը:
Սպիտակ տունը և Կրեմլն ավելի վաղ հաստատել էին, որ երեք ղեկավարները կհանդիպեն Շենժենում՝ Ասիա-խաղաղօվկիանոսյան տնտեսական համագործակցության գագաթնաժողովի շրջանակում:
ՄԱԿ-ի գլխավոր քարտուղար Անտոնիու Գուտերեշն էլ հայտարարել է, որ կազմակերպությունը պատրաստ է աջակցելու ապամիջուկայնացման ցանկացած ջանքի, եթե նման նախաձեռնություն լինի եռակողմ հանդիպման արդյունքում:
Վաշինգտոնից ավելի վաղ հայտնել էին, որ նախագահ Թրամփը կարող է բարձրացնել միջուկային սպառազինությունների կրճատմանն ուղղված ջանքերի հարցը:










