ՄՄարիամ Մխիթարյան

ՀԱՄԱՍ-ը համաձայնել է Գազայի հատվածը փոխանցել Պաղեստինի ազգային իշխանությանը. Sky News Arabia

ՀԱՄԱՍ-ը համաձայնել է Գազայի հատվածը փոխանցել Պաղեստինի ազգային իշխանությանը. Sky News Arabia

ՀԱՄԱՍ շարժումը հայտարարել է, որ պատրաստ է Գազայի հատվածը հանձնել Պաղեստինի ազգային իշխանությանը (PNA), հայտնում է Sky News Arabia-ն՝ հղում անելով աղբյուրներին։

Իր որոշման մասին, որ  ՀԱՄԱՍ-ն ընդունել է Եգիպտոսի ճնշման ներքո Կահիրեում բանակցությունների ժամանակ, կազմակերպությունը հայտնել է Պաղեստինի ազատագրության կազմակերպության ղեկավարությանն ուղղված նամակում, նշում է հեռուստաալիքը։

Միաժամանակ ՀԱՄԱՍ-ը պահանջներ է ներկայացրել՝ նոր վարչակազմում պետք է ընդգրկվեն իրենց պետական ​​ծառայողները և կենսաթոշակ ստանան։

Ynet-ն էլ՝ վկայակոչելով Իսրայելի անվտանգության բարձրաստիճան պաշտոնյային, հայտնել է, որ Իսրայելի վարչապետ Բենիամին Նեթանյահուն աշխատում է թույլ չտալ պաղեստինյան ՀԱՄԱՍ շարժման հետ գործարքի երկրորդ փուլի իրականացումը: Իսկ դա հավասարազոր է պայմանագրի խախտման, որում ասվում է, որ կողմերը երկրորդ փուլի վերաբերյալ բանակցություններ կսկսեն փետրվարի 3-ին։

Մինչդեռ Իսրայելի վարչապետի գրասենյակը հայտարարել է, որ Նեթանյահուն Մերձավոր Արևելքի հարցերով ԱՄՆ հատուկ բանագնաց Սթիվ Ուիթքոֆին տեղեկացրել է, որ երկուշաբթի անվտանգության կաբինետին հրավիրելու է՝ քննարկելու Գազայում հրադադարի ու պատանդների ազատ արձակման մասին համաձայնագրի երկրորդ փուլը:

Այն կներառի  ողջ մնացած առևանգված 19 զինվորի հանձնումը և մահացած առևանգվածների մարմինների վերադարձը: Բանակցության ժամանակ կորոշվի նաև երկու կողմի դիրքորոշումը՝ պատերազմը դադարեցնելու վերաբերյալ համաձայնության հասնելու համար:

Դիտումներ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում